ગીર સોમનાથના સૂત્રાપાડા બંદર વિસ્તારમાં પુરવઠા વિભાગે બાતમીના આધારે એક મોટી કાર્યવાહી કરી છે. બપોરે ૨:૩૦ વાગ્યે દરોડો પાડીને એક શંકાસ્પદ સરકારી અનાજ ભરેલી છકડો રિક્ષા ઝડપી પાડવામાં આવી હતી. આ રિક્ષામાંથી ૧૦૦ કિલો ઘઉં, ૧૫૦ કિલો ચોખા અને બાળભોગના ૨૦ પેકેટ મળી આવ્યા હતા. રિક્ષાચાલક દાદામિયાં હાસમઅલી કાદરીએ કબૂલ્યું હતું કે તેણે આ અનાજનો જથ્થો NFSA રેશનકાર્ડ ધારકો પાસેથી ખરીદ્યો હતો. પુરવઠા વિભાગે આ રિક્ષા સહિત કુલ ₹૫૬,૮૫૦નો મુદ્દામાલ સિઝ કરી કાયદેસરની કાર્યવાહી હાથ ધરી છે.