(વિનોદ ગાલા દ્વારા) ભુજ, તા.૨૫ : કચ્‍છમાં ભૂકંપના આંચકાઓનો સિલસિલો સતત ચાલુ જ છે. આજે મધરાતે ફરી એકવાર કચ્‍છની ધરા ધ્રુજી ઉઠી હતી. સિસ્‍મોલોજી કચેરીના રિપોર્ટ અનુસાર આજે મધરાતે ૧.૪૬ વાગ્‍યે ૩.૩ નો આંચકો અનુભવાયો હતો. આ આંચકાનું કેન્‍દ્રબિંદુ પﾍમિ કચ્‍છમાં ખાવડાથી ૩૧ કિમી દુર રણ સરહદ નોંધાયુંછે.        આમ, પાકિસ્‍તાનને જોડતી કચ્‍છની રણ સરહદમાં ફરી ભૂકંપનો આંચકો અનુભવાયો છે. આથી અગાઉ ચાર દિવસ પહેલા જ ૨૧/૯ ના પૂર્વ કચ્‍છના ભચાઉ પંથકમાં બપોરે ૧૨.૪૧ વાગ્‍યે ૩.૧ નો આંચકો અનુભવાયો હતો. કચ્‍છમાં પૂર્વ તેમ જ પﾍમિ કચ્‍છમાં ભૂકંપના  હળવા આંચકાઓ ચાલુ જ રહ્યા છે. તાજેતરમાં જ રાજ્‍યમાં મોરબી, ગીર પંથકમાં અને દેશમાં દિલ્‍હી અને ઉત્તર ભારત ઉપરાંત સિક્કિમ તેમ જ પૂર્વાંચલમાં પણ ભૂકંપના આંચકાઓ અનુભવાયા હતા. આ સિવાય તાજેતરમાં જ દુનિયામાં રશિયા, ચીન, કઝાકિસ્‍તાન, પાકિસ્‍તાન ઉપરાંત યુરોપના અન્‍ય દેશોમાં પણ ભૂકંપના આંચકાઓ નોંધાઈ ચૂકયા છે.