જામનગર જિલ્લાના ખીલોસ અને રણજીતપર ગામના ખેડૂતોએ વીજળી ન મળતા મધરાતે PGVCLની કચેરી ખાતે વિરોધ નોંધાવ્યો હતો. છેલ્લા ત્રણ દિવસથી ખેડૂતોને પૂરતો વીજ પુરવઠો ન મળતા ખેડૂતો પોતાના પાકની સિંચાઈ નથી કરી શકતા. ઉપરાંત આઠ કલાકમાં માત્ર ત્રણથી ચાર કલાક જ વીજળી મળતી હોવાની ખેડૂતોની ફરિયાદ છે. વીજળીના ધાંધિયાથી કંટાળીને ખેડૂતોએ PGVCL કચેરી ખાતે સૂત્રોચ્ચાર સાથે આકરો વિરોધ નોંધાવ્યો હતો. PGVCLના અધિકારીઓએ વીજ પુરવઠો પૂરતો અને સમયસર મળી રહેશે તેવી ખેડૂતોને ખાતરી આપી છે.