રાજકોટ તા. ૩: સુરેન્‍દ્રનગરના જોરાવરનગર ખાતે આંબેડકરનગરમાં રહેતાં અને કંપનીમાં કામ કરતાં દિપકભાઇ પરષોત્તમભાઇ સોલંકી (ઉ.વ.૩૧)ને તે ગત રાતે દસેક વાગ્‍યે રાજકોટ કાલાવડ રોડ અવધના ઢાળ નજીક રહેતાં મિત્રને મળવા આવ્‍યો હોઇ ત્‍યાં ઉભો હતો ત્‍યારે અજાણ્‍યા શખ્‍સોએ આવી ધોકા-પાઇપ ઢીકાપાટુનો માર મારતાં સારવાર માટે સિવિલ હોસ્‍પિટલમાં દાખલ થતાં તાલુકા પોલીસને જાણ કરાઇ હતી.

દિપકભાઇના કહેવા મુજબ પોતે મિત્રના ઘરે જતો હતો અને ત્‍યાં રસ્‍તામાં ઉભો હતો ત્‍યારે અજાણ્‍યા શખ્‍સોએ અહિ શું કરે છે? શુંકામ ઉભો છો? કહી ગાળો દેતાં ગાળો બોલવાની ના પાડતાં હુમલો કરાયો હતો.  પોલીસે વધુ તપાસ હાથ ધરી છે. (૧૪.૫)