(મુકુંદ બદિયાણી દ્વારા) જામનગર, તા. ૩ :  હાલારમાં સર્વત્ર હળવાથી ભારે ઝાપટા વરસતા છેલ્લા ર૪ કલાકથી અહીં વરસાદી માહોલ રહ્યો છે.

જેમાં જામનગર તાલુકાના વસાઇ-૧ર, લાખાબાવળ-૧૦, મોટીબાણુગાર-૪૦, ફલ્લા-૧૪, જામવંથલી-૧૦, મોટીભલસાણ-ર૦, અલિયાવાડા-ર૦ અને દરેડમાં ૭ મીમી વરસાદ પડયો છે.

ધ્રોલ તાલુકાના જાલીયાદેવાણીમાં ૩૭ મીમી વરસાદ નોંધાયો છે. જયારે જોડીયા તાલુકો કોરો રહી જવા પામ્‍યો છે.

કાલાવાડ તાલુકાના નિકાવા, ખરેડી-પ, મોટા વડાળા, ભલસાણ બેરાજા-૧૦, નવાગામ-ર૦, મોટા પાંચ દેવડામાં ર૮ મીમી વરસાદ પડયો છે.

જામજોધપુર તાલુકાના સમાણા-રર, શેઠવડાળા-ર૪, જામવાડી-ર૭, વાંસજાળીયા-રર, ધુનડા-૪૦, ધ્રાફા-૪પ, પરડવામાં ર૦ મીમી વરસાદ પડયો છે.

લાલપુર તાલુકાના પીપરટોડા, પડાણા-પ, ભણગોર-૬, મોટાખડબા-૧પ, મોડપર-૭ અને હરીપરમાં ૮ મીમી વરસાદ પડયો છે. (૯.૯)