વિનોદ ગાલા દ્વારા)ભુજ તા.૮ :  પોલીસ પ્રજાનો મિત્ર છે અને પ્રજાની સલામતી માટે જ હોય છે એ ઉક્તિ ને સાર્થક કરતો તેરા તુજકો અર્પણ કાર્યક્રમ મુન્દ્રા પોલીસ મથક માં પીઆઈ રાકેશ ઠુંમ્મર ની ઉપસ્થિતિ માં યોજાયો હતો.આ પ્રસંગે પીઆઈ રાકેશ ઠુંમ્મર એ વધુ માહિતી આપતાં જણાવ્યું હતું કે મુન્દ્રા એ ઉદ્યોગિક શહેર છે અને અહીં અન્ય રાજ્યો ના લોકો રોજી રોટી માટે આવ્યા છે ત્યારે મુન્દ્રા પોલીસ ની ટીમએ છેલ્લા ત્રણ મહિના માં કુલ ૪ લાખ ૨ હજારના ૨૧ મોબાઈલ સંબંધિત માલિક ને અર્પણ કર્યા હતા.

મુન્દ્રામાં રહેતા આંધ્ર પ્રદેશ, યુ. પી. એમ. પી. બિહાર તેમજ વિવિધ રાજ્યોના લોકોના આ મોબાઇલ હતા.

પીઆઈ રાકેશ ઠુંમ્મર એ જણાવ્યું હતું કે કોઈ પણ વ્યક્તિ ની વસ્તુ કે મિલ્કત ગુમ થાય અથવા ચોરી થાય એ શોધવા માટે પોલીસ ગંભીરતા પૂર્વક કામગીરી કરી રહી છે અને તેરા તુજકો અર્પણ કાર્યક્રમ નો ઉદેશ્ય એ જ છે.

આ પ્રસંગે પીએસઆઈ ડામોર, જયેન્દ્રસિંહ ઝાલા, સંજયસિંહ જાડેજા, કુલદીપસિંહ જાડેજા તેમજ સમસ્ત પોલીસ સ્ટાફ ઉપસ્થિત રહ્યો હતો. (તસ્વીર: રાજ સંઘવી, મુન્દ્રા)