રાજકોટ તા. ૧૬: ચોટીલા તાબેના ભેટસુડા ગામના યુવાને રાજકોટમાં એસિડ પી આપઘાત કરી લેતાં પરિવારમાં શોક છવાઇ ગયો હતો. આ યુવાન સામા કાંઠે ઇમિટેશનના કારખાનામાં મજૂરી કરતો હતો અને રહેતો હતો. કારખાનામાં જ ેતેણે આ પગલુ ભર્યુ હતું.

જાણવા મળ્‍યા મુજબ ભેટસુડાનો વતની મહેશભાઇ વલ્લભભાઇ ગાબુ (ઉ.વ.૩૦) નામનો યુવાન ગત તા. ૪/૧૦ના રોજ સંત કબીર રોડ શક્‍તિ સોસાયટી-૨ દિનેશ પ્રિન્‍ટ પાછળ જયશ્રી ઇમિટેશન નામના કારખાને હતો ત્‍યારે એસિડ પી જતાં સારવાર હેઠળ હતો. તેનું સારવારમાં મૃત્‍યુ થતાં પરિવારમાં ગમગીની વ્‍યાપી ગઇ હતી. હોસ્‍પિટલ ચોકીના રામશીભાઇ વરૂ સહિતે બી-ડિવીઝન પોલીસને જાણ કરી હતી.આપઘાત કરનાર મહેશભાઇ બે ભાઇ અને બે બહેનમાં મોટો તથા અપરિણીત હતો. તે રાજકોટ રહી ઇમિટેશનનું કામ કરતો હતો. આપઘાત કયા કારણોસર કર્ર્યો તે અંગે પરિવારજનો જાણતાં ન હોઇ પોલીસે તપાસ યથાવત રાખી છે. (૧૪.૫)