(દિપક તન્ના દ્વારા) તાલાલા તા.૨૮ : તાલાલા ગીર સહિતના ગ્રામ્ય પંથક તેમજ ગીર જંગલનાં વિસ્તારોમાં પડી રહેલા હળવા ભારે અવિરત વરસાદથી ખેતીના પાકોને વ્યાપક પ્રમાણમાં નુકશાન થયું છે અને ગ્રામ્ય રસ્તાઓમાં પાણી ફરી વળતા લોકોને ભારે હાલાકી નો સામનો કરવો પડી રહ્યો છે.

સાસણ ગીરના જંગલોની આસપાસમાં પડી રહેલા અવિરત વરસાદના કારણે છેલ્લા એક અઠવાડિયાથી પ્રવાસીઓથી ભરચક રહેલા છેલ્લા બે દિવસ થી ખાલીખમ જોવા મળી રહ્યું છે.આ લખાઈ છે ત્યારે બપોરે 12 વાગ્યે તાલાલા ગીર તથા આજુબાજુના ગીર વિસ્તારમાં વરસાદ અવિરત ચાલુ છે.