(વિનોદ ગાલા દ્વારા ) ભુજ : કચ્છના ગાંધીધામના સિન્ધી યુવા શક્તિ ટ્રસ્ટ દ્વારા છત્તીસગઢ ક્રાંતિ સેનાના નેતા અમિત બધેલ વિરુદ્ધ મામલતદાર કચેરીમાં આવેદનપત્ર સુપરત કરવામાં આવ્યું છે. સિન્ધી સમાજના ઇષ્ટદેવ ભગવાન ઝુલેલાલ અને સમાજ વિરુદ્ધ અભદ્ર ટિપ્પણી કરવા બદલ તેમની સામે કડક કાર્યવાહીની માંગ કરવામાં આવી છે. ગત ૨૬ ઓક્ટોબરે અમિત બધેલે સોશિયલ મીડિયા પર ઝુલેલાલ ભગવાનનું અપમાન કરવા ઉપરાંત, સિન્ધી સમાજ અને અન્ય મહાપુરુષોને 'પાકિસ્તાની સિન્ધી' કહીને સંબોધિત કર્યા હતા. ટ્રસ્ટના પ્રમુખ કાલુભાઈ ભાનુશાલીએ આવેદનપત્રમાં જણાવ્યું કે અમિત બધેલનું આ કૃત્ય સિન્ધી સમાજને ક્યારેય સ્વીકાર્ય નથી. આ ટિપ્પણીઓ તેમની હીન માનસિકતા દર્શાવે છે.