ગીર સોમનાથ જિલ્લાના તાલાલામાં આવેલી મામલતદાર કચેરીમાં એન્ટી કરપ્શન બ્યુરો (ACB)એ ટ્રેપ ગોઠવીને એક કોમ્પ્યુટર ઓપરેટરને લાંચ લેતા રંગેહાથ ઝડપી પાડ્યો છે. મહેન્દ્ર ઉર્ફે મયુરભાઈ પટાટ નામના આ ઓપરેટરે E-KYC કરવા બદલ અરજદાર પાસેથી ₹1,200 રૂપિયાની લાંચની માંગણી કરી હતી, જે લેતી વખતે તે ACBની જાળમાં ફસાઈ ગયો હતો. આ ગુનામાં કોમ્પ્યુટર ઓપરેટર સાથે બે વચેટિયાઓને પણ સહઆરોપી તરીકે ઝડપી લેવામાં આવ્યા છે.