પોરબંદરના છાયા વિસ્તારમાં રખડતા આખલાનો આતંક જોવા મળ્યો, જ્યાં એક રખડતા આખલાએ એક મહિલાને અડફેટે લીધી હતી. ઘરની બહાર નીકળેલી આ મહિલાને આખલાએ હવામાં ફંગોળી હતી, જેના કારણે તેમને ગંભીર ઈજાઓ થઈ હતી. ઇજાગ્રસ્ત મહિલાને તાત્કાલિક સારવાર અર્થે હોસ્પિટલ ખસેડવામાં આવ્યા હતા, જ્યાં સારવાર દરમિયાન તેમનું મોત નીપજ્યું હતું. આ સમગ્ર ગંભીર ઘટનાના CCTV ફૂટેજ પણ વાયરલ થયા છે, જેના કારણે શહેરમાં રખડતા ઢોરના પ્રશ્ન પર ફરી સવાલો ઊભા થયા છે.