રાજકોટ તા. ૧૦: જસદણના દહીંસરામાં રહેતી દિવ્‍યા કેશુભાઇ સારેલીયા (ઉ.વ.૯) બપોરે ઘર નજીક સીમેન્‍ટના વિજ થાંભલા પર પતંગ ફસાઇ હોઇ તે કાઢવા માટે થાંભલા પર ચડી જતાં કરંટ લાગતાં નીચે પટકાઇ હતી. આ કારણે બંને પગમાં ગંભીર ઇજા થતાં જસદણ સારવાર અપાવી રાજકોટ સિવિલ હોસ્‍પિટલમાં ખસેડાઇ છે.

દિવ્‍યા બે ભાઇ અને બે બહેનમાં નાની છે. તેના પિતા કેશુભાઇ સારેલીયા ખેત મજૂરી કરે છે. દિવ્‍યાને હાથમાં કરંટ લાગવાથી દાઝી ગઇ હતી અને થાંભલા પરથી પટકાતાં બંને પગમાં ગંભીર ઇજા થઇ હતી. હોસ્‍પિટલ ચોકીના સ્‍ટાફે જાણ કરતાં જસદણ પોલીસે જરૂરી કાર્યવાહી કરી હતી. (૧૪.૫)