આંબરડી સફારી પાર્ક, જે ગીરની નજીક આવેલો છે, તે સિંહોના ખુલ્લા વિહારને કારણે જાણીતો બન્‍યો છે. પાર્કની મુલાકાતે આવતા પર્યટકોને સિંહના દર્શનનો લ્‍હાવો મળી રહ્યો છે.  પાર્કમાં રહેતા ત્રણ નર સિંહોને સ્‍થાનિક રીત‘ત્રિદેવ'તરીકે ઓળખવામાં આવે છે, જે મુલાકાતીઓમાં ભારે લોકપ્રિય છે.

સહેલાણીઓ  અહીં સિંહ અને સિંહણની જોડીને મુક્‍ત રીતે વિહરતા, શિકાર કરતા કે આરામ કરતા જોઈ શકે છે. સિંહ-સિંહણની ગેલગમ્‍મત જોઈને પર્યટકો ખુશખુશાલ થઈ જાય છે. અહીંના સિંહો સહેલાણીઓ માટે મુખ્‍ય આકર્ષણનું કેન્‍દ્ર બની રહે છે.

વન વિભાગે આંબરડી સફારી પાર્કની મુલાકાત લેતા સહેલાણીઓ માટે સુંદર અને સુવ્‍યવસ્‍થિત વ્‍યવસ્‍થાઓ ઊભી કરી છે. જેના કારણે મુલાકાતીઓ સિંહોને સુરક્ષિત રીતે નજીકથી નિહાળી શકે છે અને જંગલના વાતાવરણનો અનુભવ કરી શકે છે.