(વિનોદ ગાલા દ્વારા)ભુજ તા.૨૦ :  બે પેનલ વચ્ચે ભારે રસાકસી વચ્ચે ભુજ બાર એસોસિએશનની ચૂંટણીનું પરિણામ જાહેર થયું હતું. ૮૩૮ મતદારો પૈકી ૭૦૩ મતદારોએ મતદાન કર્યું હતું. મુખ્ય ચૂંટણી અધિકારી તરીકે જે.જે. જાડેજા અને એ.વી. સલાટ, સી.એચ આચાર્ય એ સેવાઓ આપી હતી. જેમાં મુખ્ય ચૂંટાયેલા હોદ્દેદારોની વાત કરીએ તો પ્રમુખ તરીકે સચિન મહેન્દ્રભાઈ ગોર, ઉપપ્રમુખ તરીકે કાનજી માલાભાઈ ધુવા, મહિલા ઉપપ્રમુખ તરીકે કાંતાબેન હરજી વેકરીયા, મંત્રી તરીકે મલ્હાર દર્શકભાઈ બૂચ, સહમંત્રી તરીકે મેહુલ કાંતિગીરી ગોસ્વામી અને અન્ય કારોબારી સભ્યો ચૂંટાઈ આવ્યા હતા.