બેતાલીસ વર્ષના યુવાને રાજકોટમાં દમ તોડયો

રાજકોટ તા. ૨૫: ટંકારાના લજાઇ ગામે રહેતાં હરજીવનભાઇ પુંજાભાઇ મકવાણા (ઉ.વ.૪૨)નું અગાઉ આંતરડાનું ઓપરેશન કરાવેલુ હોઇ ગકાઇલે તબિયત બગડતાં અને બ્‍લીડીંગ થવા માંડતા સારવાર માટે રાજકોટ સિવિલ હોસ્‍પિટલમાં ખસેડાયા હતાં. પરંતુ અહિ મૃત્‍યુ થતાં પરિવારમાં શોક છવાઇ ગયો હતો. હોસ્‍પિટલ ચોકીના સ્‍ટાફે ટંકારા પોલીસને જાણ કરી હતી.

મૃત્‍યુ પામનાર હરજીવનભાઇ બે ભાઇ અને અકે બહેનમા મોટા હતાં. સંતાનમાં બે દિકરી અને એક દિકરો છે. પોતે છુટક મજૂરી કરતાં હતાં. તેને કેન્‍સર હોઇ આંતરડાનું ઓપરેશન કરાવ્‍યું હતું. તેમાંથી બ્‍લીડીંગ થયા બાદ તબીયત બગડી હોવાનું સગાએ કહ્યું હતું. ટંકારા પોલીસે આ અંગે જરૂરી કાર્યવાહી કરી હતી.