તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
વીજ શોકથી મૃત્યુ પામેલા મોરના મૃતદેહને રાંધી ખોરાક તરીકે ઉપયોગ કરવાનો પ્રયાસ કરનાર પ્રભાતપુરના રમણીક ચૌહાણની ડુંગર દક્ષિણ રેંજના સ્ટાફ દ્વારા ધરપકડ
કોર્ટ દ્વારા તારીખ ૮/૧/૨૦૨૬ સુધીમાં સુનાવણી અર્થે રજૂ કરવા અને ત્યાં સુધી આરોપીને જૂનાગઢ જેલ હવાલે કરવા આદેશ
(વિનુ જોશી દ્વારા)જુનાગઢ તા.૨૯: ડુંગર દક્ષિણ રેંજની રામનાથ રાઉન્ડના રેવન્યુ વિસ્તારમાં આવતા પ્રભાતપુર ગામના ઓઝત નદી કાંઠા પાસેના વિસ્તારમાં તારીખ ૨૫/૧૨/૨૫નાં રોજ 11kv લાઈન પર બેસવા જતા મોર જીવ ૧નું વિજકરંટ લાગતા મૃત્યુ થયેલ હોય.
જે મોરના મૃતદેહ નો ગેરકાયદેસર રીતે કબજો લઈને મોરનાં મળતદેહને કુહાડી વડે ટુકડા કરીને માંસ રાંધી ખોરાક તરીકે ઉપયોગ લેવાનો હોય જે બનાવની ડુંગર દક્ષિણ રેંજના સ્ટાફને બાતમી મળેલ હતી. જે બાતમીના આધારે રેડ કરતા પ્રભાતપુર ગામના રહીશ રમણીક દાનાભાઇ ચૌહાણ ઉ.વ.૫૪ ના કબજા માંથી મોરના માંસનું શાક તથા અન્ય મુદામાલ મળી આવેલ હતો. જે મુદ્દામાલ કબ્જે કરેલ તથા બનાવના સ્થળની તપાસ કરતા મોર જીવ ૧ ના મૃતદેહની કપાયેલ પાંખો ૨ તથા ડોક અને પીછા ઓઝત નદીમાંથી કબજે કરવામાં આવેલ છે અને જે તે બનાવની જાણ આરએફઓ એ.એ. ભાલીયા, ડુંગર દક્ષિણ રેન્જ દ્વારા મે. નાયબ વન સંરક્ષકશ્રી વન વિભાગ જૂનાગઢને કરવામાં આવેલ અને મે.ડીસીએફ અક્ષય જોશીના માર્ગદર્શન હેઠળ કાયદેસર ની કાર્યવાહી કરવામાં આવી.
આજરોજ નામદાર કોર્ટમાં તારીખ ૨૭/૧૨/૨૦૨૫ ના રોજ આરોપી રમણીક દાનાભાઇ ચૌહાણ ને રજૂ કરતા નામદાર કોર્ટમાં દ્વારા તારીખ ૮/૧/૨૦૨૬ સુધીમાં સુનાવણી અર્થે રજૂ કરવા અને ત્યાં સુધી જેલ હવાલે કરવાનો હુકમ કરતા આરોપીને જૂનાગઢ જેલ હવાલે કરેલ છે.(તસ્વીરઃમુકેશ વાધેલા-જુનાગઢ)
(1:22 PM IST)
છેલ્લા 8 દિવસમાં સૌથી લોકપ્રિય 
