(વિનોદ ગાલા દ્વારા)ભુજ તા.૨ : નર્મદા કેનાલની નજીક નાની સરખી બેદરકારી પણ જાન લેવા બની શકે છે. કચ્છ જિલ્લામાં અગાઉ મુન્દ્રા, માંડવી, રાપર, ભચાઉમાં નર્મદા કેનાલમાં ડૂબી મોતને ભેટવાના બનાવો બની ચૂક્યા છે. ફરી રાપરના ફતેહગઢ ગામે આવો જ એક બનાવ નોંધાયો છે. ૨૦ વર્ષીય રાજપૂત યુવાન હરેશ સુરેશ વેણ નો કેનાલમાં પાણી પીતી વખતે પગ લપસી જતાં ડૂબી જવાથી તેનું મોત નીપજ્યું હતું. આ બનાવે પંથકમાં ગમગીની સર્જી છે. જોકે, તંત્ર દ્વારા કેનાલમાં પાણી હોય એ સમયે લોકોને દૂર રહેવા અને સાવધાની વર્તવા વારંવાર સૂચના અપાય છે.