પોરબંદર : શિયાળાની ઠંડી વચ્ચે પોરબંદરમાં અનોખી સ્વિમિંગ સ્પર્ધાનું આયોજન કરવામાં આવ્યું. શ્રી રામ સી સ્વિમિંગ ક્લબ દ્વારા યોજાયેલી સ્વિમિંગની આ સ્પર્ધાનું આયોજન સ્વિમિંગ પુલમાં નહીં પરંતું સમુદ્રની લહેરો વચ્ચે કરવામાં આવ્યું છે. જેમાં 16 રાજ્યોના 1500થી વધુ તરવૈયાઓએ ભાગ લીધો. આ સ્પર્ધામાં 500 મીટરથી 15 કિલોમીટર સુધીની સ્પર્ધામાં 18 વર્ષના યુવાઓથી લઈને 80 વર્ષ સુધીના વૃદ્ધોએ પણ ભાગ લીધો. મહત્વનું છે કે પહેલા માત્ર રાજ્ય કક્ષાએ આ સ્પર્ધાનું આયોજન થતું હતું. પરંતું સારો પ્રતિસાદ મળતા રાષ્ટ્રીય કક્ષાએ આ સ્પર્ધાનું આયોજન કરવામાં આવે છે. સમુદ્રમાં તરવું તે ખૂબ જ કપરું કામ છે, પરંતું સમય જતાં આ સ્પર્ધામાં ભાગ લેવાનો પણ ક્રેઝ વધી રહ્યો છે. ો.