રાજકોટ તા. ૭: ચોટીલાના રાજપરા ગામે રહેતાં જવલબેન ઉકાભાઇ સાબરીયા (ઉ.વ.૮૦) ગઇકાલે બપોરે સાડા બારેક વાગ્‍યે ઝેરી દવા પી જતાં ચોટીલા સારવાર અપાવી રાજકોટ સિવિલ હોસ્‍પિટલમાં ખસેડાયા હતાં. અહિ રાતે મૃત્‍યુ થતાં પરિવારમાં શોક છવાઇ ગયો હતો.

જવલબેનને સંતાનમાં છ દિકરી અને બે દિકરા છે. પતિ હયાત નથી. વૃધ્‍ધાનો મગજ થોડો તામસી થઇ ગયો હોઇ અકળ કારણોસર ઝેરી દવા પી ગયાનું સગાએ કહ્યું હતું. હોસ્‍પિટલ ચોકીના સ્‍ટાફે ચોટીલા પોલીસને જાણ કરી હતી.