તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મોરબીમાં જુદા જુદા ધાર્મિક અને સામાજિક કાર્યક્રમોમાં ઉપસ્થિત રહેતા પૂર્વ મંત્રી મેરજા
મોરબી, તા.૮: પૂર્વ મંત્રી બ્રિજેશ મેરજાએ તાજેતરમાં ત્રણ દિવસ દરમિયાન જુદા જુદા વિસ્તારમાં ધાર્મિક, સામાજિક અને રાજકીય કાર્યક્રમોમાં ભાગ લીધો હતો. મોરબી જિલ્લાના તીથવા નજીક પાંચાલ પ્રદેશ તરીકે ઓળખાતા ભંગેશ્વર મહાદેવ મંદિરના દર્શન કરી જલાભિષેક કર્યો હતો. ત્યાં ટેકરી ઉપર આવેલ ઉમિયા માતાજીનાં મંદિરે પણ દર્શન કર્યા હતા. ભંગેશ્વર મંદિરના મુખ્ય ટ્રસ્ટી હંસરાજભાઈએ આ સ્થળે પાંડવોનું આગમન માતા કુંતાજી દ્વારા મહાદેવના મંદિરની સ્થાપના અને શ્રી ક્રુષ્ણ ભગવાનના વિચરણ અંગે માહિતી આપી હતી. મૌઢ વણિક અને મૌઢ પંડ્યા પરિવારના માતંગી મોઢેશ્વરી માતાજીનાં મંદિરે દર્શન કરી ધાર્મિક પ્રવચન કર્યું હતું. નાની વાવડી ગામે પટેલ સમાજની વાડીમાં યોજાયેલ માં રમાનાથ ધાર્મિક ઉત્સવમાં સહભાગી થઈ આધ્યાત્મિક હસ્તી એવા નાથાલાલ જોશીના જીવન અને કવન અંગે પ્રવચન કર્યું હતું. લોહાણા ર્બોડિંગ ખાતે સરસ્વતી મહિલા મંડળ આયોજિત શ્રી રામચરિત માનસ કથાનું શ્રવણ કરી ધાર્મિક પ્રવચન આપ્યું હતું તેમજ આયોજકો દ્વારા બહુમાન કરવામાં આવ્યું હતું. કડવા પાટીદાર કન્યા છાત્રાલયના પટાંગણમાં યોજાયેલ ‘સરદાર કથા'માં જાણકારી મેળવી હતી. મોરબી જિલ્લા ભાજપ કાર્યાલયની મુલાકાત લઈ કાર્યકર્તાઓ સાથે સંગઠનાત્મક ચર્ચા કરી હતી. નાના ભેલા ગામે સવારની કકડતી ઠંડીમાં ગામની ભાગોળે તાપણું કરીને બેઠેલા ગ્રામજનો સાથે વાર્તાલાપ કરી સ્થાનિક બાબતો અંગેની માહિતીથી સુમાહિતગાર થયા હતા. આમ, બ્રિજેશ મેરજાએ ત્રણ દિવસના તેમના ભરચક કાર્યક્રમમાં ઘનીષ્ઠ લોક સંપર્ક કેળવ્યો હતો
(11:06 AM IST)
છેલ્લા 8 દિવસમાં સૌથી લોકપ્રિય 
