રાજકોટ તા. ૨૪: ટંકારાના ચાંચાપરમાં નસીબપર રોડ પર ફેક્‍ટરીમાં કામ કરતાં અને ક્‍વાર્ટરમાં રહેતાં મુળ મધ્‍યપ્રદેશના દશરથભાઇ કદમના પત્‍નિ આરતીબેન (ઉ.વ.૫૫) ગેસના ચુલે તાપણું તાપતી વખતે દાઝી જતાં રાજકોટ સિવિલ હોસ્‍પિટલમાં દાખલ કરાયા છે.

આરતીબેનને સંતાનમાં એક દિકરી અને ત્રણ દિકાર છે. સગાના કહેવા મુજબ ગેસનો ચુલો ચાલુ કરીને આરતીબેન તાપતા હતાં. પગને તપાવતી વખતે મોબાઇલમાં કોઇનો ફોન આવતાં તે તેમાં વાત કરતાં હતાં. આ વખતે પગ બર્નર પાસે હોઇ પહેરેલા કપડાને ઝાળ લાગી જતાં દાઝી ગયા હતાં.  બનાવની જાણ ટંકારા પોલીસને કરવામાં આવી હતી.