જૂનાગઢ : કેન્દ્રીય સ્પોર્ટ્સ મંત્રી ડો. મનસુખભાઈ માંડવીયાએ  જૂનાગઢ જિલ્લાના કેશોદ ખાતે નવનિર્મિત અગ્નિશામનની આધુનિક સુવિધાઓ અને સાધનોથી સજ્જ મોડલ ફાયર સ્ટેશનની મુલાકાત લીધી હતી. આ દરમિયાન તેમણે ફાયર સ્ટેશનની આધુનિક સુવિધાઓ, અગ્નિશમન સાધનો અને કર્મચારીઓની તૈયારીઓનું નિરીક્ષણ કર્યું હતું.
  અત્રે ઉલ્લેખનીય છે કે, આપત્તિ સમયે ઝડપી અને અસરકારક પ્રતિસાદ આપવા માટે આ  આધુનિક ફાયર સ્ટેશન મહત્વપૂર્ણ ભૂમિકા બની રહેશે.  
આ તકે જિલ્લા ભાજપ પ્રમુખ ચંદુભાઈ મકવાણા, કેશોદ નગરપાલિકા પ્રમુખ મેહુલભાઈ ગોંડલીયા, સાવજ ડેરી ચેરમેન દિનેશભાઈ ખટારીયા સહિતના પદાધિકારી-અધિકારીઓ ઉપસ્થિત રહ્યા હતા.