(પ્રવિણ વ્‍યાસ દ્વારા) મોરબી, તા. ૧૬: જાણીતા તબીબ અને RSS પશ્‍ચિમ ક્ષેત્રના સંઘચાલક ડો. જયંતિભાઈ ભાડેસિયાના માતા ચંપાબેનનું તાજેતરમાં અવસાન થયું હતું. આ દુઃખદ ઘટનાની નોંધ લઈ દેશના વડાપ્રધાન નરેન્‍દ્ર મોદીએ શોક સંદેશ પાઠવી પ રિવાર પ્રત્‍યે સંવેદના વ્‍યક્‍ત કરી છે.

પત્રમાં વડાપ્રધાન નરેન્‍દ્ર મોદીએ જણાવ્‍યું હતું કે, આપના માતા ચંપાબેનના અવસાનના સમાચાર જાણી મને ઘણું દુઃખ થયું છે. શોકની આ ઘડીમાં મારી સંવેદના આપના અને આપના પરિવાર સાથે છે. વડાપ્રધાને માતાની ગેરહાજરીથી સર્જાતા ખાલીપા વિશે લાગણી વ્‍યક્‍ત કરતા લખ્‍યું હતું કે, માતાની વિદાયથી જીવનમાં આવી પડેલા ખાલીપણાનું દુઃખ હું સમજી શકું છું. માતાના અસ્‍ખલિત પ્રેમની ગહનતા માત્ર અનુભવી શકાય છે. તેમણે વધુમાં ઉમેર્યું હતું કે, ભલે તેઓ હવે સદેહે આપણી વચ્‍ચે નથી, પરંતુ તેમના દ્વારા મળેલું સંસ્‍કારનું ભાથું પરિવાર માટે કાયમ માર્ગદર્શન ક૨તું રહેશે. અંતમાં, વડાપ્રધાને પ્રભુ સદગતના આત્‍માને શાંતિ આપે તેવી પ્રાર્થના કરી સમગ્ર ભાડેસિયા પરિવારને દિલાસોજી પાઠવી હતી.