જૂનાગઢના માંગરોળમાં શિક્ષક દ્વારા વિદ્યાર્થીને માર મારવાની શરમજનક ઘટના સામે આવી છે. બામણવાડા ગામના એક શિક્ષકે સામાન્ય બાબતે ધોરણ-8 માં ભણતા 13 વર્ષના વિદ્યાર્થીને એટલી હદે નિર્દયતાથી માર્યો કે તે ગંભીર રીતે ઇજાગ્રસ્ત થયો છે. આ ઘટનાને પગલે વાલીઓ અને ગ્રામજનોમાં ભારે રોષ જોવા મળી રહ્યો છે. રોષે ભરાયેલા વાલીઓએ જવાબદાર શિક્ષકને તાત્કાલિક સસ્પેન્ડ કરવાની માંગ કરી છે. હાલ આ મામલે શિક્ષણ વિભાગ અને સ્થાનિક તંત્ર દ્વારા શું પગલાં લેવાય છે તેના પર સૌની નજર છે