(વિનોદ ગાલા દ્વારા)ભુજ તા.૨૦ : કચ્છ ભાજપના પૂર્વ પ્રમુખ અને રાપરના પૂર્વ ધારાસભ્ય પંકજ મહેતાએ પોતાના ડ્રાઇવર વિરુદ્ધ ચોરીની ફરિયાદ લખાવી છે. ગત ૧/૨ થી ૫/૨ વચ્ચે ડ્રાઇવર મનસુખ છગનલાલ દરજીએ કારમાં રાખેલ બેગમાંથી રૂપિયા સેરવી લીધા હતા. જોકે, શરૂઆતમાં પૂછપરછ દરમ્યાન અજાણતા દર્શાવનાર ડ્રાઇવર મનસુખ દરજી સીસી ટીવીમાં બેગ લઈ જતા દેખાયા હતા બાદમાં ચોરીની કબૂલાત કરી માફી માંગી. આથી અગાઉ ૮ વર્ષ પૂર્વે ATM કાર્ડથી ૮૦ હજાર ઉપાડી ચોરી કરી હોઈ એમના ઉપર શક હોઈ એ આધારે સીસી ટીવી ફૂટેજ ચેક કર્યા હતા. પોલીસે ગુનો દાખલ કરી તપાસ શરૂ કરી છે.