ભૂજ,તા.રપ : ગુજરાતના કચ્‍છ જિલ્લાના નખત્રાણામાં અર્ચના સેન્‍ટ ઝેવિયર્સ સ્‍કૂલના એક શિક્ષિકા પર હિન્‍દુ ધાર્મિક લાગણીઓને ઠેસ પહોંચાડવાનો અને વિદ્યાર્થી સાથે ગેરવર્તન કરવાનો આરોપ મૂકવામાં આવ્‍યો છે. નખત્રાણામાં અર્ચના સેન્‍ટ ઝેવિયર્સ ઇંગ્‍લિશ મીડિયમ સ્‍કૂલમાં ધોરણ ૬ ના વિદ્યાર્થીને હનુમાન ચાલીસાની પુસ્‍તિકા જોઈને શિક્ષિકા ગુસ્‍સે થઈ ગઈ. તેણીએ વિદ્યાર્થીના હાથમાંથી બળજબરીથી હનુમાન ચાલીસા છીનવી લીધી અને જમીન પર ફેંકી દીધી. તેણી પર હિન્‍દુ ધર્મ વિરુદ્ધ અભદ્ર અને અપમાનજનક ભાષાનો ઉપયોગ કરવાનો પણ આરોપ છે. આ સમગ્ર ઘટના શાળાના સીસીટીવી ફૂટેજમાં કેદ થઈ ગઈ હતી, જેનાથી શિક્ષકની કળત્‍ય જાહેર થઈ ગઈ હતી. ઘટનાની જાણ થતાં, વિશ્વ હિન્‍દુ પરિષદ , હિન્‍દુ યુવા સંગઠન, ગૌ રક્ષા દળ અને અખિલ ભારતીય વિદ્યાર્થી પરિષદ  ના કાર્યકરો મોટી સંખ્‍યામાં શાળામાં પહોંચ્‍યા. તેમણે શાળા પરિસરમાં હનુમાન ચાલીસાનો પાઠ કર્યો અને ૅજય હનુમાનૅ અને ૅજય શ્રી રામૅ ના નારા લગાવ્‍યા.

વીએચપી પﾍમિ કચ્‍છના સંયોજક શૈલેષ પરમાર અને અન્‍ય અધિકારીઓ (ચંદુભાઈ રૈયાણી, પિયુષભાઈ રૈયાણી અને જગતસિંહ સોઢા) એ આચાર્ય સમક્ષ ઉગ્ર વિરોધ નોંધાવ્‍યો. સંગઠનોએ સ્‍પષ્ટ કર્યું કે હિન્‍દુ સંસ્‍કળતિનો અનાદર હવે સહન કરવામાં આવશે નહીં. મિશનરી શાળાઓને ચેતવણી આપવામાં આવી હતી કે જો ભવિષ્‍યમાં આવી ઘટના ફરીથી બનશે તો ઉગ્ર વિરોધ કરવામાં આવશે.

વધતા વિવાદ અને વ્‍યાપક દબાણનો સામનો કરીને, શાળા પ્રશાસને પોતાનું વલણ રજૂ કર્યું. શાળા પ્રશાસને તાત્‍કાલિક અસરથી આરોપી શિક્ષકનું રાજીનામું સ્‍વીકારી લીધું. પરિસ્‍થિતિ વધુ વણસી રહી જોઈને, વહીવટીતંત્રે પોલીસ સુરક્ષાની પણ વિનંતી કરી. હિન્‍દુ સંગઠનોએ જિલ્લા શિક્ષણ અધિકારી અને શિક્ષણ મંત્રીને લેખિત આવેદનપત્ર સુપરત કરીને શિક્ષક સામે કડક કાયદાકીય કાર્યવાહી કરવાની માંગ કરી હતી.

વિવાદોનો લાંબો ઇતિહાસ

અર્ચના સેન્‍ટ ઝેવિયર્સ સ્‍કૂલ પહેલા પણ વિવાદોમાં ફસાઈ ચૂકી છે. એક શિક્ષકે વાલીઓ પાસેથી પૈસા પડાવવાનો આરોપ લગાવ્‍યો હતો, જે હજુ સુધી ઉકેલાયેલો નથી. વારંવાર બનતી આ ઘટનાઓએ શાળા મેનેજમેન્‍ટની કામગીરી પર ગંભીર પ્રશ્નો ઉભા કર્યા છે