( પ્રવિણ વ્યાસ દ્વારા ) મોરબી : ગુજરાત પ્રદેશ કોંગ્રેસ સમિતિના પ્રમુખ અમિત ચાવડા દ્વારા મોરબી શહેર કોંગ્રેસ સમિતિના નવા પ્રમુખની જાહેરાત કરવામાં આવી છે. સંગઠન સૃજન અભિયાન અંતર્ગત મોરબી શહેર કોંગ્રેસ સમિતિના પ્રમુખ તરીકે પુષ્પરાજસિંહજી બળવંતસિંહજી જાડેજાની નિમણુંક કરવામાં આવી છે.

     તારીખ ૨૫/૦૨/૨૦૨૬ ના રોજ આ અંગેનો સત્તાવાર પત્ર જારી કરવામાં આવ્યો હતો. ધારાસભ્ય અને પ્રદેશ પ્રમુખ અમિત ચાવડાએ પત્રમાં વિશ્વાસ વ્યક્ત કર્યો છે કે પુષ્પરાજસિંહજી તેમની સક્રિયતા અને નેતૃત્વ ક્ષમતાના માધ્યમથી પક્ષની વિચારધારા અને કાર્યક્રમોને જનજન સુધી પહોંચાડવા માટે સૌને સાથે રાખી સફળતા મેળવશે. નવી જવાબદારી મળવા બદલ પુષ્પરાજસિંહજી જાડેજાને શુભેચ્છાઓ પાઠવવામાં આવી છે.