ભાવનગર જિલ્લાના પવિત્ર તીર્થધામ કદમગીરી ખાતે પરંપરાગત રીતે 'કમળાઇ હુતાસણી' પ્રગટાવવામાં આવી હતી. ડુંગરની ટોચ પર ભવ્ય હોળી પ્રગટાવવાની આ પરંપરા જોવા માટે મોટી સંખ્યામાં ભક્તો ઉમટી પડ્યા હતા. ભક્તોએ શ્રદ્ધાપૂર્વક હુતાસણીની પ્રદક્ષિણા કરી દર્શનનો લાભ લીધો હતો. આ મંગલમય શરૂઆત સાથે જ હવે સમગ્ર દેશમાં હોળી-ધૂળેટીના પર્વની રંગેચંગે ઉજવણી શરૂ થશે. કદમગીરીના આ પવિત્ર વાતાવરણમાં શ્રદ્ધાળુઓએ દર્શન કરી ધન્યતા અનુભવી હતી અને વાતાવરણ ભક્તિમય બની ગયું હતું.