( પ્રવિણ વ્યાસ દ્વારા ) મોરબી :  હળવદ શહેરમાં સમસ્ત બ્રહ્મ સમાજ દ્વારા સેવાભાવી નવયુવાન, રાષ્ટ્રભક્ત અને ગૌભક્ત યુવા નેતા તપનભાઈ દવેની મોરબી જિલ્લા ભાજપ મહામંત્રી તરીકે થયેલી નિયુક્તિ નિમિત્તે ભવ્ય સન્માન સમારોહનું આયોજન કરવામાં આવ્યું હતું. આ કાર્યક્રમમાં બ્રહ્મ સમાજના આગેવાનો તેમજ શહેરના અનેક પ્રતિષ્ઠિત મહાનુભાવો મોટી સંખ્યામાં ઉપસ્થિત રહ્યા હતા. ઉલેખનીય છે કે, તપનભાઈને નૂતન જવાબદારી બદલ અત્યાર સુધી માં ૨૦ થી વધુ સંસ્થા દ્વારા સન્માન અને સ્વાગત કરવામાં આવ્યું છે

   આ પ્રસંગે મોરબી જિલ્લા મુખ્ય સરકારી વકીલ વિજયભાઈ જાની, હળવદ નગરપાલિકા પ્રમુખ ફોરમબેન વિશાલભાઈ રાવલ, જિલ્લા ભાજપના પૂર્વ પ્રમુખ બિપીનભાઈ દવે, પૂજ્ય દીપકદાશજી મહારાજ, નવલભાઈ શુક્લ,ભગતભાઈ રાવલ સહિત આગેવાનો હાજર રહી તપનભાઈ દવેને શુભેચ્છાઓ પાઠવી હતી. 

ખાસ કરીને વક્તાઓએ જણાવ્યું હતું કે તપનભાઈ દવે સમાજ અને રાષ્ટ્રસેવામાં સતત કાર્યરત રહી સમાજમાં વિશેષ સ્થાન બનાવ્યું છે. ગૌસેવા, માનવસેવા અને આરોગ્યલક્ષી સેવાઓમાં તેમનું નોંધપાત્ર

યોગદાન રહ્યું છે. તેઓ દ્વારા નેત્રયજ્ઞ કેમ્પ, સર્વરોગ નિદાન કેમ્પ, રક્તદાનકેમ્પ, વિધવા સહાય, આયુષ્માન કાર્ડ કેમ્પ તથા વિવિધ સેવાકીય પ્રવૃત્તિઓદ્વારા અનેક જરૂરિયાતમંદ લોકોને મદદરૂપ થવાનું કાર્ય કરવામાં આવ્યું છે.
  આટલુ જ નહી તપનભાઈ દવેની સફળતા પાછળ તેમના પરિવારનો વિશેષ સહયોગ રહ્યો છે. તેમના પિતા રાજુભાઈ દવે, માતુ વર્ષાબેન દવે, ધર્મપત્ની વંદનાબેન દવે, ભાઈ વિરલભાઈ તેમજ ભાઈજી બિપીનભાઈ દવેનો સતત પ્રોત્સાહન અને સહકાર મળતો રહ્યો છે. સાથે જ તપનભાઈનો પરિવાર જનસંઘ સમયથી ભારતીય જનતા પાર્ટી સાથે સક્રિય રીતે જોડાયેલો હોવાનું પણ જણાવાયું હતું. આ કાર્યક્રમને સફળ બનાવવા બ્રહ્મ સમાજના પ્રમુખ જિજ્ઞાસુભાઈ પંચોલી, મયુરભાઈ મહેતા, વિપુલભાઈ દવે, કેદારભાઈ રાવલ સહિત યુવા બ્રહ્મબંધુઓએ વિશેષ જહેમત ઉઠાવી હતી