(પ્રવિણ વ્‍યાસ દ્વારા) મોરબીઃ તા ૬, મહાનગરપાલિકાની આગામી ચૂંટણીને લઈને રાજકીય ગરમાવો તેજ બન્‍યો છે. દરેક પક્ષો પોતાના ઉમેદવારોની પસંદગી પ્રક્રિયામાં વ્‍યસ્‍ત છે, ત્‍યારે મોરબી કોંગ્રેસ દ્વારા ઉમેદવારોની વધુ એક યાદી જાહેર કરવામાં આવી છે. પ્રદેશ કોંગ્રેસ દ્વારા મોરબી મહાનગરપાલિકાના વિવિધ વોર્ડ માટે વધુ ૧૧ ઉમેદવારોના નામની સત્તાવાર જાહેરાત કરવામાં આવી છે.

અગાઉ કોંગ્રેસ પક્ષ દ્વારા ૧૨ ઉમેદવારોના નામ જાહેર કરવામાં આવ્‍યા હતા. હવે વધુ ૧૧ ઉમેદવારોના નામની જાહેરાત થતાં, મોરબી મહાનગરપાલિકાની કુલ ૫૨ બેઠકોમાંથી અત્‍યાર સુધીમાં કોંગ્રેસ દ્વારા કુલ ૨૩ ઉમેદવારો મેદાનમાં ઉતારવામાં આવ્‍યા છે.

પ્રદેશ કોંગ્રેસ દ્વારા અત્‍યાર સુધીમાં જાહેર કરાયેલા તમામ ૨૩ ઉમેદવારોની યાદી નીચે મુજબ છેઃ વોર્ડ નં. ૧: કૈલાશબેન સાકાભાઈ વેરાણા, દિનેશભાઈ કલાભાઈ શેરસિયા (કાકુભાઈ),વોર્ડ નં.૨: જુમાભાઈ સુમરા,વોર્ડ નં.૩: ડો. પ્રવિણકુમાર મનસુખભાઈ વઘાસિયા,વોર્ડ નં.૫: પુષ્‍પરાજસિંહ બળવંતસિંહ જાડેજા, અમિતભાઈ મનુભાઈ ભોજવિયા, વિજયાબેન અમરશીભાઈ મકવાણા,વોર્ડ નં. ૬: દમયંતિબેન નિરંજની, કલ્‍પેશભાઈ રાજેશભાઈ સેતા,વોર્ડ નં. ૭:ટાંક હિરલબેન તેજશભાઈ,વોર્ડ નં.૮: મીનાક્ષીબેન મનહરભાઈ પટેલ, હાજીભાઈ અકબરભાઈ કોરડીયા, બલવંતભાઈ ચતુરભાઈ ધુમલીયા.,વોર્ડ નં. ૯:જયેશભાઈ શાંતિલાલ કાલરીયા,જ્‍યોત્‍સનાબેન જિતેન્‍દ્રભાઈ જાલરીયા,વોર્ડ નં.૧૦ ભાવિનભાઈ વાલમજીભાઈ ફેફર, પરમાર દિપકભાઈ અરજણભાઈ,વોર્ડ નં.૧૧: વંદનાબેન કરણભાઈ કાસુન્‍દ્રા,વોર્ડ નં.૧રઃ જગદીશભાઈ રમેશભાઈ સોનાગ્રા,વોર્ડ નં.૧૩ ટીવિંકલબેન સી. મકવાણા, કંચનબેન રતિલાલ જાદવ, વિનોદભાઈ નકુમ, ઈમરાનભાઈ સોલંકી. (૩પ-૪)