મોવિયાઃ ગોંડલ તાલુકાના દેરડી કુંભાજી ગામે ગીર ગંગા જળધારા ટ્રસ્‍ટ દ્વારા જળ સંચય અભિયાનની શુભ શરૂઆત કરવામાં આવી. આ અભિયાનની શરૂઆત શ્રી હનુમાન જયંતિના દિવસે ગામના સરપંચ શૈલેષભાઈ ખાતરાના હસ્‍તે શ્રીફળ વધેરીને કરવામાં આવી હતી. આ અભિયાન ખર્ચની રકમ ગામ સમસ્‍ત ગ્રામ જનો તથા દેરડી કુંભાજી ગામના બહાર રહેતા લોકો તરફથી પૂરતા પ્રમાણમાં ખર્ચની રકમ મળી છે અને હજુ મળવી શરૂ છે. જે જે દાતાશ્રીઓ એ આ અભિયાનમાં ઉદાર હાથે ફાળો આપ્‍યો છે તેઓનો ખૂબ આભાર સાથે ધન્‍યવાદ પાઠવવામાં આવ્‍યા છે.આ અભિયાનની શુભ શરૂઆત કાપડિયા તળાવમાં કરવામાં આવી હતી. આ અભિયાનમાં ગામના તમામ આગેવાનો, વળક્ષ સમિતિના સભ્‍યો અને મિત્રોએ હોંશે હોંશે જોડાઈને જહેમત ઉઠાવી રહ્યા છે.(તસ્‍વીર-અહેવાલઃ અશોક પટેલ, મોવિયા)