( પ્રવિણ વ્યાસ દ્વારા ) મોરબી : રાજપર માધ્યમિક શાળામાં તારીખ 08/04/2026, બુધવારના રોજ મતદાન જાગૃતિ અભિયાન અંતર્ગત વકતૃત્વ સ્પર્ધાનું સુંદર આયોજન કરવામાં આવ્યું હતું. લોકશાહીમાં મતદાનના મહત્વને સમજાવવા માટે શાળા દ્વારા આ વિશેષ પહેલ કરવામાં આવી હતી.

    આ કાર્યક્રમમાં શાળાના શિક્ષક હર્ષદભાઈ ગોસ્વામી દ્વારા વિદ્યાર્થીઓને મતદાન શા માટે કરવું જોઈએ અને મતાધિકારનું મૂલ્ય શું છે તે વિશે વિગતે સમજૂતી આપવામાં આવી હતી. આ વકતૃત્વ સ્પર્ધામાં શાળાના 9 જેટલા બાળકોએ સહભાગી થઈને મતદાન વિશે મુક્ત રીતે પોતાના મંતવ્યો અને વિચારો રજૂ કર્યા હતા. આગામી ચૂંટણીઓને ધ્યાને રાખીને નવી પેઢીમાં જાગૃતિ લાવવાના હેતુથી આ સ્પર્ધાનું આયોજન સફળતાપૂર્વક પૂર્ણ થયું હતું