(વિનોદ ગાલા દ્વારા)ભુજ તા.૯   ભુજમાં ગરીબ પરિવારોને રાહત ભાવે રાશન કીટ આપતાં સાધર્મિક ચેરિટેબલ ટ્રસ્ટના ૭૧ વર્ષીય વૃદ્ધ રશ્મિ ભાઈ કનકલાલ શાહની તેમના ઘરમાં જ હત્યા કરવાના બનાવે ચકચાર સર્જી છે. ચોકાવનારી હકીકત એ છે કે, હત્યા ભુજની જાણીતી વ્યાપારી પેઢીના નિલેશ હસમુખભાઈ શાહે કરી છે. ગત મોડી રાત્રે ભુજ એ ડીવીઝન પોલીસ સ્ટેશનમાં ૪૮ વર્ષીય યુવાન વ્યાપારી નિલેશ હસમુખ શાહે જાતે જઈ ને કબૂલાત કરતાં પોલીસ સ્ટાફ ચોંકી ઉઠ્યો હતો. પ્રમુખસ્વામીનગરમાં રહેતા વ્યાપારી નિલેશ શાહે કરેલી હત્યા પાછળનું કારણ શું એ મુદ્દો અત્યારે ચર્ચાનું કેન્દ્ર બન્યો છે. જોકે, પૈસાની ઉઘરાણીની લેતીદેતીમાં આ હત્યા થઈ હોવાનું ચર્ચાઈ રહ્યું છે. સાચી હકીકત પોલીસ તપાસમાં જ બહાર આવશે. મૃતક વૃદ્ધ એકાકી જીવન જીવતા હતા. લાશનું પોસ્ટમોર્ટમ કરી આગળની કાર્યવાહી પોલીસે હાથ ધરી છે.