(પરેશ પારેખ દ્વારા) પોરબંદર તા.૧૨: અહીં વર્લ્‍ડ કલાસ ફર્નિચર પાર્કના વિકાસ માટે આવતીકાલ તા.૧૩મીથી બે દિવસ સમિટનું આયોજન કરેલ છે. કેન્‍દ્રીય મંત્રી ડો.મનસુખભાઇ માંડવિયા અને રાજયના કેબીનેટ મંત્રી અર્જુનભાઇ મોઢવાડિયા આ સમિટમાં હાજરી અપાશે. દેશના વિવિધ રાજયોના ૫૦થી વધુ ફર્નિચર ઉદ્યોગ સાથે સંકળાયેલા આ સમિટમાં જોડાશે.

સાંસદ અને કેન્‍દ્રીય શ્રમ, રોજગાર, યુવા બાબતો અને રમતગમત મંત્રી ડો. મનસુખભાઈ માંડવિયાના સઘન પ્રયાસો અને વિકાસલક્ષી અભિગમના પરિણામે ઝડપી વિકાસના માર્ગે આગળ વધી રહ્યું છે. પોરબંદરને ઔદ્યોગિક, આર્થિક અને આધુનિક માળખાકીય વિકાસના નવા શિખરો સુધી પહોંચાડવાના સંકલ્‍પ સાથે ડો. માંડવિયાએ અનેક મહત્‍વાકાંક્ષી યોજનાઓને ગતિ આપી છે. સ્‍વપ્નદ્રષ્ટા લોકસેવક તરીકે તેઓ પોરબંદરનું કાયાકલ્‍પ કરવા સતત કાર્યરત છે.

વર્લ્‍ડ કલાસ ફર્નિચર પાર્ક વિકાસની દિશામાં વધુ એક મહત્‍વપૂર્ણ પહેલરૂપે તા. ૧૩થી બે દિવસીય ‘‘વિકસિત પોરબંદર ફર્નિચર પાર્ક સમિટ''નું આયોજન કરવામાં આવ્‍યું છે. આ સમિટ દરમિયાન પોરબંદરમાં સૂચિત મેગા ફર્નિચર પાર્કની સ્‍થાપના, વિકાસની સંભાવનાઓ, રોકાણની તકો તથા ભવિષ્‍યની વ્‍યૂહાત્‍મક દિશા અંગે ઉદ્યોગજગત સાથે વિસ્‍તળત ચર્ચા કરવામાં આવશે.

આ કાર્યક્રમમાં કેન્‍દ્રીય મંત્રી શ્રી તથા પોરબંદરના લોકસભા સાંસદ ડો. મનસુખભાઈ માંડવિયા અને ગુજરાત સરકારના મંત્રી તથા પોરબંદરના ધારાસભ્‍ય  અર્જુનભાઈ મોઢવાડિયાની ઉપસ્‍થિતિમાં હિતધારકો સાથે સંવાદ યોજાશે. પોરબંદરમાં ઔદ્યોગિક વિકાસ અને આવનાર સમયમાં ઔદ્યોગિક રૂપરેખાના વિસ્‍તરણ માટે આ સમિટ એક મહત્‍વપૂર્ણ મંચ સાબિત થશે.

ફર્નિચર ઉત્‍પાદન અને તેની સાથે સંલગ્ન ક્ષેત્રોના ઉદ્યોગપતિઓ, ઉદ્યોગ સંગઠનો તથા વ્‍યાપારિક મંડળોના પ્રતિનિધિઓ સહિત રાજ્‍યભરમાંથી ૫૦થી વધુ પ્રતિનિધિઓને આ સમિટમાં આમંત્રિત કરવામાં આવ્‍યા છે. આ ઉપરાંત વિવિધ રાષ્‍ટ્રીય અને આંતરરાષ્‍ટ્રીય સંસ્‍થાઓ તથા પ્રતિષ્ઠિત બ્રાન્‍ડ્‍સના પ્રતિનિધિઓની ઉપસ્‍થિતિ પણ નોંધપાત્ર રહેશે, જેમાં અમદાવાદ સ્‍થિત બ્રિટિશ ડેપ્‍યુટી હાઈ કમિશનના પ્રતિનિધિ સ્‍ટીવ હીકલિંગ સહિત ગુજરાત ટિમ્‍બર મર્ચન્‍ટ એસોસિએશન, ગુજરાત ટિમ્‍બર ઓક્‍શન એસોસિએશન, ગુજરાત ગ્રીન ઇકોનોમિક ચેમ્‍બર તથા પોરબંદર ખાતે સ્‍થિત ચેમ્‍બર ઓફ કોમર્સ એન્‍ડ ઇન્‍ડસ્‍ટ્રી એસોસિએશનના પ્રતિનિધિઓ ઉપસ્‍થિત રહેશે.

ફર્નિચર પાર્કની સંભવિત સ્‍થાપના માટે જરૂરી સંકલિત અભિગમને ધ્‍યાનમાં રાખીને, ગુજરાત સરકારના ઉદ્યોગ વિભાગ, બંદર વિભાગ સહિત સ્‍થાનિક વહીવટી કચેરીઓના ઉચ્‍ચ અધિકારીઓ પણ આ સમિટમાં ભાગ લઈ અને જરૂરી રૂપરેખા પ્રસ્‍તુત કરશે. વિવિધ વિભાગો વચ્‍ચે સંકલન સાધી ભવિષ્‍યની કાર્યવાહી માટે માર્ગદર્શક ચર્ચા કરવામાં આવશે.

આ સમિટમાં ભાગ લેવા આવેલા દેશ-વિદેશના પ્રતિનિધિઓ ૧૪ ના રોજ પોરબંદરમાં ફર્નિચર પાર્ક માટે સૂચિત સ્‍થળોની મુલાકાત લેશે. પોરબંદર નજીક સ્‍થિત ભારવાડા ખાતે આ પાર્ક નિરીક્ષણ દ્વારા પ્રોજેક્‍ટની સંભાવનાઓનું મૂલ્‍યાંકન કરવામાં આવશે તેમજ સ્‍થાનિક સ્‍તરે વિકસાવાની થતી માળખાકીય સુવિધાઓ અંગે અવલોકન કરવામાં આવશે.

આ અવસરે પોરબંદરની આગવી મહેમાનગતિનો અને સૌરાષ્‍ટ્રની કલા સંસ્‍કળતિનો પરિચય કરાવવા માટે તંત્ર દ્વારા પ્રતિનિધિઓના સ્‍વાગત અને સાંસ્‍કળતિક કાર્યક્રમોનું આયોજન કરવામાં આવનાર છે.

પોરબંદરના ઔદ્યોગિક ભવિષ્‍ય માટે આશાવાદી પહેલ

(પરેશ પારેખ દ્વારા) પોરબંદર તા.૧૨: ‘‘વિકસિત પોરબંદર ફર્નિચર પાર્ક સમિટ'' માત્ર એક બેઠક નહીં, પરંતુ પોરબંદરને નવા ઔદ્યોગિક આયામો તરફ દોરી જતી દ્રષ્ટિપૂર્ણ પહેલ છે. ફર્નિચર ક્ષેત્રમાં રોકાણ, રોજગારીની નવી તકો, સ્‍થાનિક અર્થતંત્રને પ્રોત્‍સાહન અને વૈશ્વિક સ્‍તરે સ્‍પર્ધાત્‍મક ઉત્‍પાદન ઇકોસિસ્‍ટમના નિર્માણ માટે આ સમિટ મહત્‍વપૂર્ણ ભૂમિકા ભજવી શકે તેવી આશા વ્‍યક્‍ત કરવામાં આવી રહી છે.

આવતીકાલે તારીખ ૧૩ અને ૧૪ ના રોજ યોજાનારી આ સમિટ પોરબંદરના વિકાસના નવા અધ્‍યાયની શરૂઆત સમાન બની શકે છે, જ્‍યાં સ્‍થાનિક સંભાવનાઓને વૈશ્વિક તકો સાથે જોડવાનો પ્રયાસ કરવામાં આવશે.

 

ફર્નિચર ઉદ્યોગની રાષ્‍ટ્રીય અને આંતરરાષ્‍ટ્રીય

પ્રતિષ્‍ઠિત બ્રાન્‍ડસનો સમિટમાં સહયોગ

(પરેશ પારેખ દ્વારા) પોરબંદર, તા.૧૨: પોરબંદરના સર્વાંગી ઔદ્યોગિક વિકાસને નવી દિશા આપવા માટે આગામી તા. ૧૩ અને ૧૪ જૂન, ૨૦૨૬ દરમિયાન બે દિવસીય ‘‘વિકસિત પોરબંદર ફર્નિચર પાર્ક સમિટ''નું આયોજન કરવામાં આવ્‍યું છે.

આ સમિટમાં દેશભરમાંથી ૫૦થી વધુ ફર્નિચર ઉદ્યોગ સાથે સંકળાયેલા પ્રતિનિધિઓ, વિવિધ ઉદ્યોગ સંગઠનો, વ્‍યાપારિક મંડળો તેમજ રાષ્‍ટ્રીય અને આંતરરાષ્‍ટ્રીય પ્રતિષ્ઠિત બ્રાન્‍ડ્‍સના પ્રતિનિધિઓ સહભાગી બનશે. ફર્નિચર પાર્કની સંભવિત સ્‍થાપના માટે જરૂરી સંકલિત અભિગમના ભાગરૂપે ગુજરાત સરકારના ઉદ્યોગ વિભાગ, બંદર વિભાગ સહિત વિવિધ સરકારી વિભાગોના ઉચ્‍ચ અધિકારીઓ પણ ઉપસ્‍થિત રહી જરૂરી રૂપરેખા અને માર્ગદર્શન પ્રસ્‍તુત કરશે. આ સમિટના આયોજનને લઈને મહાનગરપાલિકા ખાતે જિલ્લા વહીવટી તંત્ર અને સ્‍થાનિક ઉદ્યોગપતિઓની અગત્‍યની બેઠક યોજાઈ હતી.  આ બેઠકમાં મેયરશ્રી સાગરભાઈ મોદી, જિલ્લા કલેકટરશ્રી એસ.ડી. ધાનાણી તથા મ્‍યુનિસિપલ કમિશનરશ્રી એચ.જે. પ્રજાપતિ ઉપસ્‍થિત રહ્યા હતા. બેઠક દરમિયાન સમિટમાં ભાગ લેવા આવનાર ડેલીગેશનના સ્‍વાગત અને જરૂરી વ્‍યવસ્‍થાઓ અંગે વિસ્‍તળત ચર્ચા કરવામાં આવી હતી. જિલ્લા કલેકટરશ્રી એસ.ડી. ધાનાણીએ આગામી સમિટની કાર્યક્રમ રૂપરેખા ઉદ્યોગપતિઓ સમક્ષ રજૂ કરી હતી.