મોરબીના વિરપરડા ગામમાં આવેલા આ કૂવામાં ફરીવાર રહસ્યમય રીતે પાણીમાં હિલોળા શરૂ થતાં ગ્રામજનોમાં ભારે કુતૂહલ જોવા મળ્યું. સોશિયલ મીડિયામાં આ ઘટનાને ભૂકંપ સાથે પણ જોડવામાં આવી રહી હતી. જોકે સિસ્મોલોજી વિભાગે સ્પષ્ટ કર્યું છે કે મોરબી કે તેની આસપાસ કોઈ ભૂકંપનું કેન્દ્ર નોંધાયું નથી અને હાલ આ ઘટનાને ભૂકંપ સાથે જોડવાનો કોઈ આધાર નથી. ત્યારે સમગ્ર મામલે જો જિયોલોજિસ્ટ વિભાગ તપાસ હાથ ધરે તો સમગ્ર ઘટનાના કારણોનો ભેદ ઉકેલાઈ શકે છે.