( પ્રવિણ વ્યાસ દ્વારા )  મોરબીના જેતપર ખાતે ગુજરાત સત્યાગ્રહ છાવણી મુકામે ખેડૂતોના હકની લડાઈને મજબૂત કરવા અને માર્ગદર્શન માટે એક વિશેષ કાર્યક્રમનું આયોજન કરવામાં આવ્યું છે.આજે 11 ઓગસ્ટ ને મંગળવારના રોજ રાત્રે 9 વાગ્યે મહારાષ્ટ્ર ખેડૂત સંગઠનના રાષ્ટ્રીય અધ્યક્ષ રઘુનાથદાદા પાટીલ તેમજ 108 વૈદિક ચિકિત્સા એવમ્ યોગ પીઠાધિશ્વર ગવ્યસિદ્ધ યોગાચાર્ય ડો. રુદ્રાંશજી મહારાજ બંને અગ્રણીઓ એક જ કાર્યક્રમમાં સાથે ઉપસ્થિત રહી ગુજરાતના ખેડૂતોને માર્ગદર્શન પૂરું પાડશે. આ કાર્યક્રમમાં ગુજરાતભરના તમામ ખેડૂત ભાઈઓ અને બહેનોને બહોળી સંખ્યામાં પધારવા તથા આંદોલનને વધુ મજબૂત બનાવવા માટે ખાસ અપીલ કરવામાં આવી છે.