(વિજય વસાણી દ્વારા) આટકોટ તા. ૧૩ :.. યુ.કે.ના લંડન ખાતે ચાલી રહેલી ‘સંત સંસદ' માં ભારતના અનેક સંતો - મહંતોની હાજરીમાં વિશ્વમાં શાંતિ, માનવતા અને આધ્‍યાત્‍મિક મુલ્‍યોનો વારસો વધે તે માટે સંતોએ પ્રયાસો કર્યા હતાં.

તા. ૭ થી ૧૪ ઓગષ્‍ટ દરમિયાન પુ. રાજરાજેશ્વર ગુરૂ અને સંજયગીરી દ્વારા આયોજીત આ સંત સંસદમાં ગઢડાથી ગયેલા સ્‍વામિનારાયણના સંત એસ. પી. સ્‍વામીએ જણાવ્‍યુ હતું કે આ સંત સંસદમાં ઉપસ્‍થિત રહેવાનું મને સન્‍માન અને ગૌરવ પ્રાપ્ત થયુ છે તે માત્ર મારૂ નહી પરંતુ ભારતની પ્રાચિન સનાતન ઋષિ સંત પરંપરાનું સન્‍માન છે.