દેશભરમાં 'હર ઘર તિરંગા' અભિયાન અંતર્ગત પ્રથમ જ્યોતિર્લિંગ સોમનાથ મંદિર ખાતે શિખર પર ધર્મધ્વજની સાથે રાષ્ટ્રધ્વજ તિરંગો પૂરા માન-સન્માન સાથે લહેરાવવામાં આવ્યો હતો. આ પ્રસંગે ગીર સોમનાથ પોલીસ વિભાગ દ્વારા મંદિર પરિસરથી ૪૫ કિલોમીટર લાંબી ભવ્ય 'તિરંગા બાઇક રેલી'નું આયોજન કરવામાં આવ્યું હતું. રેન્જ આઈજીપી રાજેન્દ્રસિંહ ચુડાસમા અને જિલ્લા એસપી જયદીપસિંહ જાડેજાના નેતૃત્વ હેઠળ યોજાયેલી આ રેલીમાં ૧૦૦૦ જેટલા પોલીસ જવાનો અને સ્થાનિક નાગરિકો પોતાની બાઇક પર તિરંગો લહેરાવીને જોડાયા હતા. સમગ્ર માર્ગ પર "ભારત માતા કી જય"ના નારાઓ સાથે ગુંજી ઉઠેલી આ રેલીએ સોમનાથ ધામથી દેશભરમાં રાષ્ટ્રપ્રેમ, એકતા અને દેશભક્તિનો બુલંદ સંદેશ આપ્યો હતો.