તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ધ્રોલના ગાંધી ચોકમાં ગુંજશે‘નંદ ઘેર આનંદ ભયો'
આઈ શ્રી મચ્છો મિત્ર મંડળ દ્વારા ૨૧માં વરસે જન્માષ્ટમીની જોરદાર ઉજવણીનું આયોજન અમરનાથ મહાઆરતી, ડીજે રાસ-ગરબા, મટકી ફોડ, જન્મોત્સવ કેક કટિંગ અને આકાશી આતશબાજીની રમઝટઃ સમગ્ર ધ્રોલ પંથકની ધર્મપ્રેમી જનતાને ભાવભર્યું જાહેર આમંત્રણ
(સંજય ડાંગર દ્વારા) ધ્રોલ, તા.૧: ધ્રોલ ગામની પાવન ધરા માથે દર વરસની જેમ આ વરસે પણ જગતના પાલનહાર પૂર્ણ પુરૂષોત્તમ ભગવાન શ્રીકળષ્ણના પ્રાગટય પર્વની વધામણાં કરવા માટે ગામ આખું હિલોળે ચડ્યું છે. ધ્રોલના જાણીતા ગાંધી ચોક ખાતે દર વરસની રૂડી પરંપરા મુજબ આઈ શ્રી મરછો મિત્ર મંડળ દ્વારા સતત ૨૧મા વરસે જન્માષ્ટમીનો એવો રૂડો અને ભવ્ય ઉત્સવ રાખ્યો છે કે આખું ધ્રોલ ગોકુળિયું બની ગયું હોય એવો રંગ જામ્યો છે. ૨૧મા વરસના આ રૂડા અવસરે સમગ્ર ધ્રોલ પંથક અને આજુબાજુના ગામડાંઓમાં ભારે હરખ અને ઉમંગનો માહોલ જોવા મળી રહ્યો છે.
આ પાવન અવસરે ગાંધી ચોકમાં બાબા બરફાની અમરનાથ સ્વરૂપની પ્રતિકળતિ સામે હજારો દીવડાંના અજવાળે દિવ્ય મહાઆરતી ઉતારવામાં આવશે. ગામના જુવાનિયાઓ જોશભેર ગોવિંદા બનીને મટકી ફોડની રમઝટ બોલાવશે અને ધબકતા ડીજેના તાલે ભગવાન શ્રી કળષ્ણ ગીતો પર આખું ગામ રાસ-ગરબે ઘૂમશે. બરાબર રાતના ૧૨:૦૦ના ટકોરે લાલાનો જનમ થાશે ત્યાર‘‘હાથી ઘોડા પાલખી, જય કનૈયા લાલ કી'' અને ‘‘નંદ ઘેર આનંદ ભયો'' ના ગગનભેદી જયકારા સાથે ભવ્ય કેક કાપીને વધામણાં કરાશે, અને ઈ જ વખતે આકાશમાં રંગબેરંગી ફટાકડાની જોરદાર આતશબાજીથી આખું આભ ઝળહળી ઊઠશે.
આ રૂડા ઉત્સવને દીપાવવા માટે સી. એમ. વરૂ, સીધાભાઈ વરૂ, જયેશભાઈ વરૂ તેમજ જન્માષ્ટમી મહોત્સવ સમિતિ-ધ્રોલના તમામ ભાઈઓ અને જુવાનિયાઓ ખડેપગે રહીને રાત-દી એક કરીને તૈયારીઓમાં લાગી ગયા છે. આઈ શ્રી મરછો મિત્ર મંડળ વતી ધ્રોલ ગામ તથા આજુબાજુના તમામ સીમ-ગોંદરાના ભાઈઓ, બહેનો, વડીલો અને જુવાનોને સહપરિવાર પધારી ભગવાન શ્રીકળષ્ણના જન્મોત્સવનો રૂડો લ્હાવો લેવા માટે હેતપૂર્વકનું ભાવભર્યું જાહેર નોતરું (નિમંત્રણ) પાઠવવામાં આવ્યું છે યાદીમાં જણાવ્યું છે.
(10:55 AM IST)
છેલ્લા 8 દિવસમાં સૌથી લોકપ્રિય 
