(વિનોદ ગાલા દ્વારા) ભુજ તા.૨૪: કચ્‍છના ગાંધીધામમાં તૈનાત બીએસએફ ૯૦ બટાલિયનના જવાને જાતે જ પોતાના માથામાં ગોળી ધરબી આપઘાત કરતાં ચકચાર મચી જવા પામી છે. ૨૪ વર્ષનો આ જવાન પંકજ લાભુભાઈ મેમતીયા મૂળ સુરેન્‍દ્રનગરના લીંબડીના ચોકડી ગામનો વતની હતો અને ૨૦૨૩ માં બીએસએફમાં જોડાયો હતો. હજી રજામાં બે દિવસ પહેલાં જ ઘેરથી ફરજ ઉપર ગાંધીધામ આવેલા આ જવાને આત્‍મઘાતી પગલું શા માટે ભર્યું? જવાન સાથે અંતિમ સમયે ફરજ ઉપર કોણ હતું, જે રાઈફલથી આત્‍મહત્‍યા કરી એ શષા, શું મળતક જવાન માનસિક તાણમાં હતો? એ માનસિક તાણ પાછળનું કારણ શું? સહિતના મુદ્દાઓ તપાસ માંગી લે છે.  દરમ્‍યાન ગાંધીધામ એ ડિવિઝન પોલીસે  આપઘાતનો ગુનો નોધી વધુ તપાસ હાથ ધરી છે.