(મુકુંદ બદિયાણી દ્વારા)જામનગર તા. 31 : ભારતના પ્રથમ મહિલા વડાપ્રધાન અને આયર્ન લેડી તરીકે ઓળખાતા સ્વ. શ્રીમતી ઇન્દિરા ગાંધીની પૂર્ણતિથિ નિમિત્તે જામનગર શહેર કોંગ્રેસ કાર્યાલય ખાતે પુષ્પાંજલિ કાર્યક્રમનું આયોજન કરવામાં આવ્યું હતું.

આ પ્રસંગે શહેર કોંગ્રેસના આગેવાનો, હોદ્દેદારો અને કાર્યકરોએ સ્વ. ઇન્દિરા ગાંધીના ફોટો સમક્ષ પુષ્પાંજલિ અર્પણ કરી તેમને ભાવભીની શ્રદ્ધાંજલિ પાઠવી હતી.

આ પ્રસંગે ઇન્દિરા ગાંધીના દેશના વિકાસ, રાષ્ટ્રની એકતા અને અખંડિતતા માટેના યોગદાનને યાદ કરી તેમના જીવન અને કાર્યને શ્રદ્ધાપૂર્વક બિરદાવવામાં આવ્યું હતું.