રાજકોટ તા. ૪: માધવપુર ઘેડમાં રહેતાં યુવાને એસિડ પી આપઘાત કરી લેતાં પરિવારમાં શોક છવાઇ ગયો છે.

જાણવા મળ્‍યા મુજબ માધવપુરમાં રહેતાં અજયભાઇ લવજીભાઇ પરમાર (ઉ.વ.૩૫) નામના યુવાને ગત તા.૧/૫ના રોજ રાતે સાડા દસેક વાગ્‍યે એસિડ પી લેતાં ત્‍યાંની હોસ્‍પિટલમાં સારવાર અપાવી રાજકોટ સિવિલ હોસ્‍પિટલમાં ખસેડાયેલ. પરંતુ અહિ ગત રાતે દમ તોડી દેતાં હોસ્‍પિટલ ચોકીના સ્‍ટાફે માધવપુર પોલીસને જાણ કરતાં પોલીસે જરૂરી કાર્યવાહી કરી હતી.