રાજકોટ તા. ૧: ટંકારામાંસામા કાંઠે રહેતાં અને ખેત મજુરી ઉપરાંત અન્‍ય છુટક મજુરી કરતાં મુળ એમપીના અર્જુન (ઉ.વ.૨૦) અને તનો પિતા કલસિંગ ગણીયાભાઇ દાહીમા (ઉ.વ.૪૫) ઉપર અજાણ્‍યા શખ્‍સે ધોકાથી હુમલો કરી માર મારતાં પિતા કલસિંગને વધુ ઇજા થતાં સારવાર માટે રાજકોટ સિવિલ હોસ્‍પિટલમાં દાખલ કરાયા છે. કલસિંગના કહેવા મુજબ અજાણ્‍યો શખ્‍સ મારા દિકરાને મજુરી કામે લઇ જવા બોલાવવા આવ્‍યો હતો. પણ દિકરાએ પોતે થાકી ગયો હોઇ કામે નથી આવવું તેમ કહેતાં તેને ધોકાથી મારકુટ ચાલુ કરી હતી. પોતે છોડાવવા જતાં પોતાને પણ માર માર્યો હતો. હોસ્‍પિટલ ચોકીના સ્‍ટાફે ટંકારા પોલીસને જાણ કરી હતી. (૧૪.૫)