રાજકોટ તા.૩૦ : સાળંગપુરમા શ્રી કષ્ટભંજનદેવ હનુમાનજી મહારાજનો ૧૭૮મો વાર્ષિક પાટોત્સવ અવસરે શ્રી કષ્ટભંજન દેવ હનુમાનજી મંદિર-સાળંગપુર ધામ ખાતે સમાજસેવા અને માનવતાના ઉત્તમ ઉદાહરણરૂપે આજરોજ એક નવી "અંતિમ યાત્રા સેવા" વાહનનું ભવ્ય લોકાર્પણ કરવામાં આવ્યું છે.

         સ્વજનો ગુમાવનાર પરિવારજનોને દુઃખની આ ઘડીમાં રાહત મળી રહે અને અંતિમ સંસ્કારની વિધિ સુચારૂ રૂપે પાર પાડી શકાય તે હેતુસર આ વિશેષ વાહનની સેવા વડતાલધામ સહિત વિવિધ ધામેધામથી પધારેલા સદગુરુ સંતોના વરદ્ હસ્તે લોકાર્પણ કરવામાં આવ્યું હતું.   આ નવા વાહનને ફૂલોથી સુંદર રીતે શણગારવામાં આવ્યુ હતું  અને વિધિ સાથે તેને જનતાની સેવામાં સમર્પિત કરવામાં આવી હતી. આ સેવા થકી જરૂરિયાતમંદ પરિવારજનોને અંતિમ યાત્રા માટે ઉત્તમ અને આધુનિક સુવિધા પ્રાપ્ત થશે. 

        આ સેવા ગોકુળધામ-નાર શ્રી શુકદેવ સ્વામીની પ્રેરણાથી  આ સત્કાર્યમાં સહયોગ આપનાર દાતાઓ અને અગ્રણીઓનો સ્થાનિક નાગરિકો દ્વારા હાર્દિક આભાર વ્યક્ત કરવામાં આવ્યો હતો. આ આયોજન શ્રી હરિપ્રકાશદાસજી સ્વામી અને કોઠારીશ્રી વિવેકસાગરદાસજી સ્વામીના માર્ગદર્શન હેઠળ કરવામાં આવ્યું હતું.