(કૌશલ સવજાણી દ્વારા)ખંભાળિયા તા.૨૯ : ઓખા નગરપાલિકાની સામાન્ય ચૂંટણી સંદર્ભે આજે ફોર્મ પરત ખેંચવાનો છેલ્લો દિવસ હતો. જેમાં ઓખા નગરપાલિકાના વોર્ડ નંબર 4 માં ભારતીય જનતા પાર્ટીના 4 ઉમેદવારો બિનહરીફ વિજેતા જાહેર થયા છે.

બિનહરીફ વિજેતા થનાર ઉમેદવારોમાં વોર્ડ નંબર 4 ના ભાજપના દક્ષાબેન સુભાષભાઈ થોભાણી, હીનાબેન સુનીલભાઈ નિમાવત, મિલન મુકેશભાઈ બારીયા અને ચેતનભા ભાવસિંગભા માણેકનો સમાવેશ થાય છે. સામે કોઈ ઉમેદવાર ન રહેતા ચારેય ઉમેદવારોને બિનહરીફ વિજેતા જાહેર કરવામાં આવ્યા છે.

ઉલ્લેખનીય છે કે, ઓખા નગરપાલિકાની ચૂંટણી માટે આગામી તા. 11/10/2026 ના રોજ મતદાન યોજાશે અને તા. 13/10/2026 ના રોજ પરિણામો જાહેર કરવામાં આવશે.