રાજકોટ તા. ૭: વિંછીયાના ભડલી ગામે રહેતાં ભરતભાઇ કરસનભાઇ બારૈયા (ઉ.વ.૪૬) ગઇકાલે ગામમાં હતાં ત્‍યારે ત્રણ શખ્‍સો જયસુખ, શૈલેષ અને કિશને લોખંડના પાઇપથી હુમલો કરી માથા, પગ, શરીરે ઇજાઓ કરતાં લોહીલુહાણ થઇ જતાં વિંછીયા સારવાર લઇ રાજકોટ સિવિલ હોસ્‍પિટલમાં દાખલ થયા છે.

ભરતભાઇ ચાર બહેન અને એક ભાઇમાં નાના છે અને છુટક મજૂરી કરે છે. તેના કહેવા મુજબ તે ગામમાં ઉભા હતાં ત્‍યારે ત્રણ શખ્‍સો જાહેરમાં દારૂ પી ગાળો બોલતાં હોઇ તેને ગાળો બોલવાની ના પાડતાં ઉશ્‍કેરાઇ જઇ હુમલો કર્યો હતો. હોસ્‍પિટલ ચોકીના સ્‍ટાફે જસદણ પોલીસને જાણ કરી હતી.