(જીતેન્‍દ્ર આચાર્ય દ્વારા)ગોંડલ, તા.૨૮: નગરપાલિકાની ચુંટણીનાં પરીણામ જાહેર થતા વોર્ડ નંબર-૨ તથા વોર્ડ નંબર-૭ નાં પરીણામ જાહેર થતા ભાજપ નાં ઉમેદવારો વિજયી બન્‍યા છે.

ગોંડલ નગરપાલિકા નાં કુલ ૧૧ વોર્ડ ની ૪૪ બેઠક પૈકી ૨૦ બેઠકો બીનહરીફ જાહેર થઈ હોય વોર્ડ નંબર ૨ માં ત્રણેય બેઠકો અને વોર્ડ નંબર ૭ ની બે બેઠક ભાજપ ને મળતા નગરપાલિકા પર ભાજપ નો ભગવો લહેરાયો છે. આ લખાય છે ત્‍યારે વોર્ડ નંબર ૩,૪,૫ ,૮ અને વોર્ડ નંબર ૧૦ ની ગણતરી ચાલુ છે.જેમાં ભાજપ નાં ઉમેદવારો આગળ દોડી રહ્યા છે.