તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મોરબીના પીપળીયા ચાર રસ્તા નજીક યુવકની હત્યા કરનાર સાળા અને બનેવીની ધરપકડ
પાણીના કુંડીમાં ડૂબી જતા ૪ વર્ષના બાળકનું, હોટેલમાં હાર્ટએટેકથી છતીસગઢના વૃધ્ધનું અને ઉંચી માંડલ ગામે શ્રમિકનો ફાંસોખાઇ આપઘાત
(પ્રવિણ વ્યાસ દ્વારા) મોરબી, તા. ૧૩ : મોરબી તાલુકાના પીપળીયા ચાર રસ્તા નજીક બે દિવસ પૂર્વે પોતાની બહેન સાથે મોબાઈલમાં મેસેજ વાતચીત કરતા કૌટુંબિક સાળાની હત્યા કરનાર બનેવી અને તેના સાળાને મોરબી એલસીબી ટીમે ગણતરીની કલાકોમાં ઝડપી લઈ રિમાન્ડ મેળવવા સહિતની કાર્યવાહી હાથ ધરી છે.
પ્રાપ્ત વિગતો મુજબ મોરબીના પીપળીયા ચાર રસ્તા નજીક બે દિવસ પૂર્વે આરોપી આસિફ અલિયાસભાઈ દલ ઉ.૨૬ અને આરોપી હુસેન અભરામભાઈ ઉર્ફે ઇબ્રાહિમભાઈ સાઈચા ઉ.૨૮ નામના સાળા બનેવીએ સાથે મળી આસિફની બહેન સાથે મોબાઈલમાં વાતચીત મેસેજ કરતા અબ્બાસ અબ્દુલભાઈ સોતા ઉ.૨૯ રહે.ન્યુ નવલખી નામના યુવકને વાતચીત કરવા બોલાવી છરીના ઘા ઝીકી હત્યા કરી નાખી હતી. સાથે જ આરોપીઓએ મળતક અબ્બાસના ભાઈ હસન અને સુલતાન સોતાને પાઈપના ઘા મારી ગંભીર ઈજાઓ પહોંચાડતા બન્ને આરોપીઓ વિરુદ્ધ મોરબી તાલુકા પોલીસ મથકમાં હત્યા અને હત્યાની કોશિશ અંગે ગુન્હો નોંધવામાં આવ્યો હતો.દરમિયાન મોરબી એલસીબી ટીમે હત્યાના આ બનાવમાં બન્ને આરોપીઓને ગણતરીની કલાકોમાં ધરપકડ કરી કાયદેસરની કાર્યવાહી શરૂ કરી છે.
(1:17 PM IST)
છેલ્લા 8 દિવસમાં સૌથી લોકપ્રિય 
