(સંજય દેવાણી દ્વારા) કેશોદ તા.૬: અત્રે ગત તારીખ ૧ થી ૩ દરમિયાન સતત ત્રણ દિવસમાં સીઝનનો સૌપ્રથમ કુલ ૩૦ ઇંચ જેવો વરસાદ વરસ્‍યા બાદ ધૂપ-છાવ જેવા વાતાવરણ વચ્‍ચે મેધ વિરામ જણાયેલ છે. જોકે,આ સ્‍થિતિ વચ્‍ચે છેલ્‍લા ૨૪ કલાકમાં ૮ મી.મી. જેવો  વરસાદ વરસી ગયેલ છે.

ગત શુક્રવારના રોજ રાત્રીના આઠ વાગ્‍યા બાદ વરસાદ શાંત થયેલ હતો. છેલ્‍લા બે દિવસથી નિકળેલ વરાપ વચ્‍ચે પણ સમયાંતરે વરસાદી છાંટાણા વરસી જતા હોય, સામાન્‍ય રીતે વાતાવરણ ધૂપ -છાવ જેવુ રહેવા છે. છેલ્‍લા બે દિવસમાં કોઈ નોંધ પાત્ર વરસાદ થવા પામેલ નથી.