(કૌશલ સવજાણી દ્વારા)ખંભાળિયા તા. 28 :  કલ્યાણપુર તાલુકા પંચાયતની ચૂંટણી 2026નું પરિણામ જાહેર થઈ ગયું છે. કુલ 24 બેઠકોમાંથી કોંગ્રેસે 11 બેઠકો જીતી સૌથી મોટો પક્ષ બન્યો છે અને સત્તા કબજે કરશે.

ભારતીય જનતા પાર્ટીને 9 બેઠકો મળી છે, જ્યારે આમ આદમી પાર્ટીને 4 બેઠકો પર સફળતા મળી છે. 

ગત  ટર્મમાં પણ કલ્યાણપુર તાલુકા પંચાયતમાં કોંગ્રેસ જીતી હતી, પરંતુ બાદમાં રાજકીય સમીકરણો બદલાતા ભાજપે સત્તા મેળવી લીધી હતી. આ વખતે કોંગ્રેસે 11 બેઠકો સાથે સત્તા પર વાપસી કરી છે

 બીજી તરફ દેવભૂમિ દ્વારકા જિલ્લામાં જિલ્લા પંચાયત, તાલુકા પંચાયતો અને નગરપાલિકામાં મળેલી એકંદરે જીતની ઉજવણી માટે ભાજપ દ્વારા આજે સાંજે 5:30 વાગ્યે ખંભાળિયાના જોધપુર ગેટ ખાતે વિજય ઉત્સવ અને વિજય સભાનું આયોજન કરવામાં આવ્યું છે. જેમાં જિલ્લાના આગેવાનો ઉપસ્થિત રહેશે.